Ipigbubusol ni Senate Committee on Labor and Employment Vice Chairperson Senador Raffy Tulfo an implementasyon kan patas na minimum wage para sa mga trabahador sa Metro Manila asin sa mga probinsya.
Sa presente, ₱695 an aldawan na sweldo para sa mga non-agriculture workers sa NCR.
Harayo ini sa ibang rehiyon arog kan Bangsamoro Autonomous Region in Muslim Mindanao (BARMM) na ₱411 sana, asin Caraga na nasa ₱415 kada aldaw.
Durante kan committee hearing, ipigsuhestyon ni Tulfo na pag-adalan kan National Wages & Productivity Commission (NWPC), Department of Labor and Employment (DOLE), asin labor experts an saiyang propuesto huli ta naglalangkaw man an presyo kan mga barakalon arog kan gasolina, pagkakan, bulong, asin kadakol pang iba huli sa inflation.
Sa katunayan an sinabi Sen. Idol, mas mahal pa sa ibang probinsya an presyo kan gasolina na iyo an driving force kan satong ekonomiya.
Nagpromesa si DOLE Sec. Bienvenido Laguesma na pag-aadalan ninda an suhestiyon ni Sen.Idol asin isasagibo nin mahiwas na konsultasyon sa Regional Tripartite Wages and Productivity Boards sa irarom kan NWPC.
