Liwat na niyugo nin panibagong linog na magnitude 5.5 an Meiktila, Central Myanmar, susog sa
An linog an saro sa pinakamakusog na aftershock makalihis an 7.7 magnitude na linog na nairehistro sa nacion kan Marso 26, na nagkawsa nin matinding destroso asin pagkagadan.
Kun saen uminabot na sa 3,649 an nagadan asin labi 5,000 an irido huli sa 7.7 magnitude na linog.
Basado sa Meteorological Department kan Myanmar, nangyari an bagong linog sa banwaan kan Wundwin, harani sa Mandalay, Myanmar.
Wara man na nai-report na mahiwasang destroso o kadugangang nagadan sa bagong paglinog, alagad dakol na residente an nag-ebakwar huli sa kusog kan pagyugo.
Nahahadit man an United Nations na lalala pa an krisis sa salud asin kabuhayan sa Myanmar huli sa destrosong kawsa kan mga linog, sa tahaw kan padagos na civil war asin labi sa 3 milyong indibidwal na suboot an nag-ebakwar.
Nangyari an linog sa enot na aldaw kan Thingyan, an tulong aldaw na selebrasyon kan tradisyonal na Bagong Taon kan Myanmar.
Kanselado man an mga selebrasyon ngunyan na taon huli sa kalamidad.
