Tinanggihan kan Pasig Regional Trial Court (RTC) Branch 159 an panibagong kahagadan ni Kingdom of Jesus Christ (KOJC) founder Pastor Apollo Quiboloy para sa hospital arrest.
Sa sarong kasuguan na may petsang Oktubre 8, sinabi kan korte na wara ining nahiling na “compelling reason” nganing ibugtak an pastor sa hospital arrest sa Philippine Health Center o sa Medical City.
Malinaw suboot na na-establish sa saiyang records na an saiyang medical na pangangaipuhanan an tulos asin padagos na naitatao mantang siya an nasa kustodiya kan Pasig City Jail asin padagos na nakakaresibi nin magkakanigo, napapanahon asin supisyenteng medical care sa ospital sa irarom kan pangangasiwa kan competent medical professionals.
Enot nang tinanggihaan kan Pasig court an kahagadan ni Quiboloy para sa hospital arrest kan nakalihis na taon.
Magigirumduman, sinabi kan kampo ni Quiboloy sa saiyang hospital arrest request na nakakamate ini nin padagos na pagkapagal sa paghangos na sinabayan kan pauro-utrong kalintura, pangungulog kan kasu-kasuhan asin pag-abo mantang nasa piitan.
An nasabing Pasig court an nagkakapot sa kaso ni Quiboloy sa qualified human trafficking na warang piyansa.
An nakatalaan kutang pagdangog ngonian na aldaw an inilipat sa Disyembre 11.
 Branch 159 has denied Kingdom of Jesus Christ (KOJC) founder Pastor Apollo Quiboloy’s new request for hospital arrest.){kind=link}