Panibagong serye na naman nin paglangkaw sa presyo kan produktong petrolyo an aantisiparan kan mga motorista sa masunod na semana.
Ini na an ika-tulong magkakasunod na magpapaotob nin oil price hike ngunyan na 2025.
Basado sa Department of Energy-Oil Industry Management Bureau na nasa P1.35 hasta P1.60 an dugang sa presyo kan kada litro kan gasolina.
An diesel man an may umento na P2.30 hasta P2.60 kada litro mantang an kerosene an may dugang na P2.30 hasta P2.50 kada litro.
Pighihiling na resulta ini kan panibagong sanctions na ipapataw kan Estados Unidos asin United Kingdom sa Russia.
