LEGAZPI CITY- Nilinaw kan Philippine Institute of Volcanology and Seismology na an ipinaluwas na abiso kan ahensya ngunyan na aldaw dapit sa paglangkaw kan sulfur dioxide emission kan bulkang Mayon an dae nangangahulugan na itataas man an alerto kan bulkan.
Segun ki Phivolcs Senior Science Research Specialist Dr. Paul Alanis sa intrevista kan Bombo Radyo Legazpi na nagtetenir ini sa alert level 2.
An halangkaw na amunto kan pigbubugang sulfur dioxide an nangangahulugan suboot na igwang panibagong magma na nagsasakat.
Dae man pighahali kan ahensya na senyales ini kan posibleng panibagong eruptive activity sa bulkang Mayon, alagad sa presente wara pang nahihiling na rason na itaas ang alerto.
Paliwanga kan opisyal na nagtetenir kaya na hibaba an iba pang mga parametro na pigbabantayan sa bulkan.
