LEGAZPI CITY- Maswerte an sarong biktima nin hold-up sa Brgy. Concepcion sa Virac, Catanduanes makalihis na mapugulan kan mga nakahiling an suspek sa krimen.
Base sa imbestigasyon kan Virac Municipal Police Station, tinutukan nin badil an biktimang si Merlita Sorrera kan suspek na nabisto sana sa alyas na Tagalog.
Nagdeklarar suboot ini nin hol-up alagad napugulan ini kan mga nakahiling na residentes kun sain sainda ining pigdis-armahan asin binalo na dakupon.
Alagad nakadulag man giraray si alyas Tagalog lunad kan saiyang motor pasiring sa direksyon kan San Andres.
Nawalat kaini an saiyang calibre 38 revolver, bonnet, tshirt, sando, jacket asin wig na ginamit sa pag-disguise.
Sa ngunyan, nagkukundusir na nin pursuit operation an nasambitan na pulisya para sa ikakaarestar kan suspetsado.
