LEGAZPI CITY-Naarestar an duwang suspek na nasa listahan bilang Rank 1 asin Rank 3 municipal most wanted sa Rapu-Rapu Albay.
Segun kay Albay Police Provincial Office Provincial Director Police Colonel Noel Nuñez, sa intrevista kan Bombo Radyo Legazpi na katakod ini kan nangyaring panggagadan sa sarong biktima huli sa iriwal sa daga.
Binisto an mga suspek na si alyas “Joce” 35-anyos asin alyas ” Ernie” 55-anyos na parehong residente kan Barangay Lagundi.
Tulos man na nagpaluwas nin arrest warrant manungod sa sarong suspek alagad kinumpirma na kaiba kaini an pinaghahanap na saro pang suspek kaya tinimbrehan na ini kan saindang tropa.
Nahahampang an mga suspek sa kasong Homicide asin presenteng nakakulong para sa magkakanigong disposiyon.
Nagpapasalamat man an opisyal sa kooperasyon kan mga otoridad asin kan kumunidad ngani mamantenir an kaligtasan kan lugar.
