Naarestar na kan mga awtoridad sa Colombia an pangenot na suspek sa pambabadil ki Senador Miguel Uribe, sarong potensyal na kandidato sa pagkapresidente.
Binisto an suspek na si Elder Jose Arteaga, bisto bilang El Costeño na naarestar sa Bogotá, susog sa kumpirmasyon kan police chief.
Si Arteaga an pigtutubudang nagplano asin nag-organisa kan paggadan kan Hunyo 7, kaiba an pagtatao nin badil sa sarong 15-anyos na menor de edad na suboot nagbadil ki Uribe.
Nahahampang an suspek sa mga kasong aggravated attempted homicide, ilegal na pagdadara nin armas, asin paggamit sa menor de edad para sa krimen.
Mientrastanto, nagtao man nin gantimpala si Colombian Defense Minister Pedro Sanchez nin 3 billion pesos (labi $750,000) para sa makapagtatao nin impormasyon mapadapit sa mga utak kan krimen.
Magigiromdomag si Senador Uribe, 39 anyos, an tulong beses na tinamaan nin bala—duwa sa payo asin saro sa bitis— asin nagtetenir na kritikal makalihis magsairarom sa serye nin operasyon.
Miyembro si Uribe kan Democratic Center Party, asin kaiba sa mga nangengenot na pangaran sa oposisyon.
