LEGAZPI CITY- Nagpaotob nin asynchronous classes an nagkapirang mga eskwelahan sa National Capital Region huli sa halangkaw na heat index.
Segun ki Alliance of Concerned Teachers Chairperson Vladimir Quetua sa intrevista kan Bombo Radyo Legazpi na kinakaipuhan na ma-assess an tunay na sitwasyon kan mga eskwelahan.
Aminado an opisyal na importante na isipon an salud kan mga estudyante alagad dapat man na hilingon an pangangaipo sa pagsasagibo nin flexible learning.
Partikular na tinukoy kaini an problema sa load kan trabaho kan mga paratukdo asin kun igwang abilableng mga kagamitan na gagamiton sa asynchronous classes.
Napag-araman kaya na sa laog nin sarong classroom, nasa 50 hasta 60 an mga estudyante na pigtutukduan.
Aminado si Quetua na igwa man liwat na pagkakaiba an face-to-face classes kumparar sa flexible learning.
