LEGAZPI CITY—Nakabangga an sarong bus sa sarong harong sa Barangay Esperanza, sa banwaan kan Pilar, Sorsogon.
Segun ki Bureau of Fire Protection Pilar Chief Emergency Medical Services Fire Officer 3 Frances Rommela Lola, sa intrevista kan Bombo Radyo Legazpi, na sa saindang pagresponde nakaluwas na an kadaklan sa mga pasahero kan bus, mantang an iba pang natatada sa laog kan behikulo an nirespondehan man kan saindang mga personahes.
Tulos man na pigdara sa ospital an nagkapirang iridong pasaheros nganing matawan nin asistensyang medikal.
Segun sa opisyal na posibleng napaidlip an drayber kan bus kun kaya nagresulta ini sa pagkakabangga kan behikulo sa sarong harong.
Dugang ni Lola na wara man na nadanyaran sa nasambitang residencia.
Mientrastanto, abiso man kan opisyal sa mga drayber nin behikulo na en kaso pigpipirot sa biyahe, pwedesir na maggilid muna nin tinampo asin magpahingalo nganing maibitaran an mga siring na insidente.
 involving of multiple victims at Brgy. Esperanza, Pilar, Sorsogon){kind=link}