Hinagad kan pamilya kan nagadan na Nigerian basketball player na si Divine Adili na magsagibo muna nin autopsy sa hawak kaini antes i-uli sa Nigeria, segun sa pahayag kan Embahada kan Nigeria sa Maynila.
Segun sa embahada na mawot kan pamilya ni Adili na magkaigwa muna nin hirarom na imbestigasyon dapit sa pagkagadan ni Divine antes iuli an hawak sa Nigeria.
Marurumduman na nagadan an 21-anyos na si Adili, kaibanan an saiyang teammate na si Rene Baterbonia, makalihis malamos sa sarong team-building activity sa Dipaculao, Aurora kan Lunes.
Si Adili an saro sa mga pinaglalaoman na rookie big man kan Ateneo Blue Eagles sa nakalihis na season kan UAAP.
Marurumduman na pigsugo na man kan Department of Justice an National Bureau of Investigation na magsagibo nin hirarom na imbestigasyon ngani na maaraman kun igwang bastanteng basehan para sa pagsusunad nin kaso katakod kan insidente.
