LEGAZPI CITY-Dai nag-uyon an mga pamilya kan biktima kan nagbagsak na Jeju Air Flight 226 sa ipinaluwas na resulta kan imbestigasyon kan mga otoridad.
Basado sa inisyal asin ipinaluwas na imbestigasyon na nasala suboot an piloto n apinduton an pagpalsok kan makina kan nasambitang eroplano.
Sinabi man kan mga pamilya kan biktma na dai dapat isisi sa piloto sana, dapat hiligon man suboot an nagkapirang factors sa insidente.
Magigirumduman na nagadan an 181 na pasahero kan makadanas nin bird strike an pampasaherong eroplano kan disyembre 29.
Pigprobaran pa suboot kan piloto na lumapag sa ibong na section asin naglanding ini nin warang landing gear n anagresulta sa pagsadsad sa runway.
An makina kan eroplano ipinadara sa France para sa pagbusisi kung sain sa inisyal an imbestigasyon kan mga otoridad sa South Korea na nasala suboot an mga piloto sa pagpalsok kan mga makina.
