LEGAZPI CITY – Pinahimutikan kan legal counsel kan waiter na sinapak kan sarong neophyte congressman an mga naglalakop na espekulasyon kan suboot areglong nangyari na may presensya nin kwarta sa pagultanan kan duwang lado.
Katakod ini kan insidente nin pagsapak ni Ang Probinsyano Party-list Rep. Alfred Delos Santos sa waiter na si Christian Kent Alejo na mahihiling sa lakop na CCTV footage ngonian.
Klinarificar kaini na igwang mga suhestiyon sa pamilya na maghagad nin bayad-perwisyos sa krinear na danyos kan insidente na direkta man na pigsayumahan kan kliyente.
Sinabi ni Atty. Bart Rayco sa ekslusibong intrevista kan Bombo Radyo Legazpi na mismong si Alejo asin pamilya an nagsabi na dae nunca maresibe nin maski sarong sentimo hale sa nasabing kongresista.
Nanindogan man suboot an pamilya na dae maako nin anuman kun igwa man itao kun kaya dae napag-olayan an nasabing isyu.
