LEGAZPI CITY- Kinumpirmar kan kapamilya kan ginadan na taga-media sa Albay na makapirang beses na ining nakaresibe nin mga death threats katakod kan propesyon.
Lunad kan pagsadiring behikulo kan tambangan sa Brgy. Peñafrancia sa banwaan kan Daraga kasubagong aga an blocktime radio commentator na si Joey Llana, 38-anyos mantang palaog sa programa sa DWZR AM sa Legazpi City.
Sa intrevista kan Bombo Radyo Legazpi sa nguhod na tugang ni Joey na si Nerwin Llana, nasasambit na kan brodkaster sa pito kapatid sa pito pang mga tugang an mga text messages na laog an mga huma alagad tipikal na ipigpapasipara sana.
Dae man maako kan nagkapira pang mga tugang kaini an nangyari urog na bistadong mabuot asin para-amiguhon na tawo si Joey alagad aminadong magagabat an mga banat na pigbubutasan sa commentary program.
Mientras tanto, dae man tulos nasabi kan pamilya sa may -edad nang ina kan brodkaster an nangyari urog na sa pighahaditang helang kaini sa puso.
