LEGAZPI CITY — Dakula an pasasalamat kan pamilya asin coaches kan estudyante sa banwaan kan Irosin, Sorsogon makalihis na masungkit an ikaapat na pwesto sa long jump sa nagpapadagos na 10th ASEAN School Games sa Kuala Lumpur, Malaysia.
Nagpang-apat si Jasmin Bombita na estudyante kan Gallanosa National High School sa ginibong sporting event na may record na 5.66 meters.
Sa social media post kan coach kaini na si Claire Chua, an mahiwagang spike shoes ni Jasmin an pirmi kaining kaiba poon pa kan magkawat sa palaro hasta sa makaabot sa international scene.
An nasabing sapatos an minana pa kaini sa dating atleta na si Christian Polo Rojo.
Hagad man kan coach na may mag-sponsor nin mga spike shoes ngani na makapag-producir pa nin mas dakol na mauurag na atleta.
Sa nasabing sporting event, nangenot nangenot an Pilipinas sa paagi ni Trexie Dela Torre, sinundan kan Malaysia, Vietnam asin panlima an Thailand.
