Posibleng target si US President Donald Trump sa nangyaring pambabadil sa White House Correspondents’ Dinner, susog sa pahayag kan acting US attorney general.
Segun ki Todd Blanche, basado sa paenot na imbestigasyon, nagluluwas na pigta-target kan suspek an mga miyembro ng administrasyon ni Trump.
Tinawan-doon niyang “preliminary” pa sana an mga nadiskubre asin padagos pa an imbestigasyon.
Binisto kan mag report sa US media ang suspek bilang si Cole Tomas Allen, 31-anyos asin residente kan Torrance, California.
Segun ki Blanche, dae suboot nakikipagtabangan an suspek sa mga awtoridad mantang pigkundusir an imbestigasyon.
Pasado alas 8:35 nin banggi (Eastern Time), nakadangog nin mga putok nin badil sa nasabing event na inatendiran kan pirang halangkaw na opisyal kan gobierno asin mga mamamahayag.
Nagkawsa ini nin tensyon asin pagpa-ebakwar kan mga nag-atendir mantang rumesponde ang mga awtoridad sa insidente.
Padagos man na pig-imbestigaran kan mga otoridad an pangyayari, kabale an eksaktong target asin motibo kan suspek.
