LEGAZPI CITY – Pighihiling kan Albay PNP na bako man talaga target kan pambabadil sa Brgy. Bonbon, banwaan kan Libon an sarong kolektor nin jeueteng kasuodma.
Sa nagging pakikipag-olay ni C/Insp. Arthur Gomez ki C/Insp. Edgar Azotea, hepe kan Libon PNP, sinabi kaini na maging an biktimang si Hernanie Saya an nag-iisip na may ibang target an suspek huli sa dae na siya pinagbabadil kan suspek kan maghampang siya digdi.
Segun man sa mga nakahiling, nagbalik an suspek pasiring sa may parte kan Camarines Sur na enot ng nagdulag pasiring sa sentro kan banwaan.
Segun sa tagapagtaram kan Albay PNP, posibleng mistaken identity an nangyari asin may iba talagang target an dae pa nabibistong suspetsado.
Sa presente, nagpapadagos pa an imbestigasyon kan kapulisan dapit sa nasabing insidente.
