LEGAZPI CITY- Inomaw kan pamayo kan Consumer’s Rights Watch Bicol an pagrahay kan sistema sa trapiko sa syudad kan Legazpi.
Alagad katakod kaini, nangapodan si Toy Reynoso sa BCERG na magin magalang maski sa pagpapahali sa mga paratienda sa side walk siring na man sa mga tricycle drivers kun nagbabalgar an mga ini sa ordinansa kan syudad.
Sigon ki Reynoso, tama na pigpapa-utob kaini an ley alagad saro pa sa saiyang nanotaran an pagpili sana suboot kan BCERG nin mga tutuyawon na persona na nagpapahiling nin “inconsistent enforcement.”
Dugang pa kan opisyal, agresibong maray an BCERG kun kaya nawawaraan na nin respeto sa saindang mga pigtutuyaw na tawo.
Dapat suboot na pareho sa pig-aarestar na kriminal, igalang man giraray kaini na karapatan kan iba kasabay an papel o dokumento na masirbeng basehan sa binalgar na ley.
