LEGAZPI CITY-Nahihiling na welcome development kan grupong Pambansang Lakas ng Kilusang Mamamalakaya ng Pilipinas (Pamalakaya) na welcome development an programang 20 pesos na bagas para sa mga parasisira alagad padifisilan para sa nagkapira an pagbakal sa mga fish port huli sa hararayo an mga ini orog na sa mga provincia.
Segun kay PAMALAKAYA President Pando Hicap, sa intrevista kan Bombo Radyo Legazpi, na haloy nang pangapudan kan sektor an nasambitang programa asin dakulang bagay ini ngani makabakal nin bagas sa hababang presyo.
Alagad magkakaigwa man suboot nin kadifisilan an mga parasisira enkaso maipabakal ini sa mga fish port kung sain limitado sana an nagkapirang harani digdi asin man an mga rehistradong parasisira.
Dugang pa ni Hicap, na nagkapira man sana an makikinabang digdi huli asin dai ini magigin sustenable sa ibong kan dakulang subisdiya kan gobiyerno para sa programa.
Mas makikinabang suboot digdi an mga traders kung sain buffer stock na mga bagas an ipigpapabakal.
Dagdag pa ni Hicap na masyadong barat an pagbakal kan mga traders, afuera na sana kun ibasura an Rice Liberalization Law.
Bako man suboot sustenable an programa huli sa nauubos sana an mga buffer stock enkaso magpadagos an nasabing programa sa taong 2028, kung sain mapipiritan na magbakal an mga traders nin mga imported na bagas.
Sinabi man kan opisyal an magigin posible sana an abot-kayang presyo nin bagas asin magigin sustenable an programa kun locally produced an mga paroy.
Dapat man suboot na i-subsidies an mga magsasaka, ipagbawal an pag-covert kan mga agricultural lands, asin pahiwason an sektor kan agrikultura.
Pangapudan niya man sa publiko na i-kampanya sa mga lokal na gobierno na tawan nin paagi na magabot sa sainda an abot-kayang presyo para sa mga parasisira kung sain sinda an makikinabang digdi
