LEGAZPI CITY- Pagpalyar sa komunikasyon an pinakamayor na nahiling na lapse sa pwersang panseguridad katakod kan Resorts World attack ni AKO-Bicol Party-List Rep. Rodel Batocabe.
Pinunto ni Batocabe sa nakaaging joint Committee hearing sa insidente sa high class casino hotel an pagpalyar kan security team na tulos na madeterminar an eksaktong numero kan nagsakyada.
Enot kayang pigtubudan na duwa hasta tolong katawo an nagsasagibo kan kariribukan alagad napag-araman na saro man sana palan na ipigtutukdong an gambling addict na si Jessie Carlos.
Saro pang nahiling ni Batocabe, iyo an pagtubod na miyembro kan ISIS an nasabing gunman kun kaya inisyal na reaksyon an pagkatakot kan mga maresponde.
Dugang pa ni Batocabe na kun tama sana suboot an ipinaabot na impormasyon, tulos kutang napuho an komosyon na nagresulta sa pagkagadan kan 37 katawo huli sa suffocation asin paghuhugot kan gunman makalihis na suluon an nagkapirang casino tables asin paghabas nin mga casino chips.
