Nagadan an sarong midbid na Palestinian journalist na si Hassan Aslih sa sarong airstrike na isinibo kan Israel sa Nasser Hospital sa Gaza, segun sa Ministry of Health kan Gaza.
Si Aslih, na may rinibong followers sa social media, an nagpaparahay hale sa naenot na lugad kan tamaan nin panibagong pag-atake an nasabing ospital.
Segun sa Israel, parte suboot si Aslih kan Hamas asin nakibale man suboot sa pag-atake kan 2023 alagad ipignigar ini kan Hamas.
Segun sa mga opisyal kan Gaza, saro pang pasyente an nagadan asin pira pa an nalugadan sa nasabing pag-atake.
Kinumpirma ng militar ng Israel na tinarget nila ang mga itinuturing nilang “terorista” sa ospital.
Sa suway na insidente, 16 man an nagadan asin 70 an lugadan makalihis tamaan nin siyam na missile attack an Gaza European Hospital.
Pagdoon kan Israel, may Hamas command center sa irarom kan ospital — bagay na pinahimutikan man kan Hamas.
Segun sa grupo kan International Federation of Journalists, labi sa 160 na an nagadang media workers sa Gaza poon pa kan magdakula an digmaan, na pinahimutikan man kan Israel.
Mientrastanto uminabot na sa labi 52,000 an nagadan sa Gaza segun sa local health officials, mantang padagos na naglalala an humanitarian crisis kawsa kan nagpapadagos na sigalot sa rehiyon asin kakulangan sa suplay nin pagkaon
