Nangapudan an Palasyo Malacañang sa mga Overseas Filipino Workers na dae ipagdamay an ekonomiya asin an saindang pamilya sa isyung pampulitika.
Ini an kasunod kan plano kan nagkapirang grupo sa Europa, partikular an Maisug Croatia, na ilansar an “Zero Remittance Week” puon Marso 28 hasta Abril 4 ngunyan na taon.
Segun ki Palace Press Officer Usec. Claire Castro na posibleng maapektaran bako sana an gobierno kundi maging an pamilya kan mga Overseas Filipino Workers kun malalawos an nasabing kampanya.
Pigduon man ni Castro na nagsusunod sana na gobierno sa ley asin an mga kasong ipigsunad ki dating Presidente Rodrigo Duterte an ipigsunad man kan mga namamanwaang Pilipino.
Napag-araman na mawot kan Maisug Croatia na ipangapudan an pagbabalik ni Duterte sa nacion sa paagi kan paramientras na pagpapapundo kan pagpapadara nin kwarta sa Pilipinas.
