LEGAZPI CITY-Piglinaw kan Malacañang na an P60-80 bilyong kantidad nin pondo na hale sa panukalang 2025 National Budget an dai pigtutugutang mailuwas ni President Ferdinand Marcos Jr.
Kinumpirma ini ni Finance Secretary Ralph Recto, na sinabing an kantidad an dai nakabase sa Philippine Development Plan.
Tinawan doon man ni Recto na importante an pagsunod sa plano ngani masierto na an paggastos kan gobierno an nakatalaan sa mga prayoridad na makakatabang sa pag-uswag kan ancion.
Segun pa kay Castro, an dakulang parte kan pondong ini an nakatalaga para sa mga proyekto sa imprastraktura kan Department of Public Works and Highways (DPWH) na isiningit kan nakaaging Kongreso.
Dagdag pa ni Castro, na an Department of Budget and Management (DBM) an magdedesisyon kun papano gagamiton an mga pondong ini.
Posible man na malipat an pondo sa ibang mga programa asin proyekto kan gobierno, orog na dai pa man pinal an 2025 National Budget.
Igwa man nin tsansang mabago an alokasyon nin pondo, ngani masierto na ini an makakatabang sa programa na mas kinakaipuhan kan namamanwaan.
