Nagbwelta an Presidential Communications Office (PCO) sa pahayag ni Senador Imee Marcos na naghagad ini nin dispensa sa saindang nagadan nang ama huli sa “dai pag-ataman” sa saiyang tugang na si Presidente Ferdinand Marcos Jr.
Sa press briefing sa Malakanyang, hinimay ni Palace Press Officer Undersecretary Claire Castro an mga tinaram kan senadora asin kinuwestiyon kun sisay sa magtugang an tunay na kaipuang bantayan asin nagin “pasaway.”
Nanindugan si Castro na dae nagmumuda si Presidente Marcos, dae nagkakaigwa nin mga meltdown urog na sa publiko, asin dae man nagbabanta nin buhay nin kiisay man.
Pigduon kan Palace Official an marhay na buhay pamilya kan Presidente asin an pagtenir niyang “faithful” sa saiyang agom na kabaliktaran sa mga pasaring kan senador.
Pigkwestyon man ni Castro kun an paghagad nin dispensa ni Sen. Imee huli sa dae pag-iingat o dahil sa hayagang panraraot kaini sa sadiri niyang tugang.
Sa ibong kan mga insulto kan saiyang tugang, pigsierto ni Castro na mantenidong nakatutok an Presidente sa saiyang trabaho asin dae nuarin man nagbalos sa paagi nin pag-insulto sa senador.
 has returned to Senator Imee Marcos' statement that she apologized to their late father for "not taking care" of his brother, President Ferdinand Marcos Jr.){kind=link}