LEGAZPI CITY- Mantinido an paz y orden sa nagpapadagos na Palarong Bicol 2017.
Ini an kinumpirmar kan Legazpi PNP sa paagi kan hepe kaini na si PSUPT Nilo Berdin.
Sinabi kan hepe na pigpapatutukan nya ngunyan an gabos na playing venues kun sain igwa nin mga naka-augment na permanenteng security personnel hasta sa matapos an mga kawat.
An saro suboot na delegasyon, 3 eskwelahan an pig-ookupar kun kaya 24 oras na nakabantay an mga pulis na igwa nin day shift asin night shift.
Dugang pa ni Berdin, igwa pa nin nag-abot na 21 personahes gikan sa Regional Public Safety Batallion kan Bicol PNP na nakadeploy sa laog kan Bicol University apwera pa sa dati nang mga security officers na yaon duman.
Mientrastanto, mantinido man suboot an traffic management asin dae man nin ipapasaradong tinampo huli ta sa BU na isasagibo an sunod an parada kan mga atleta.
Kan mahapot man si Berdin dapit sa termination kan gabos na trabahante kan Public Security Group kan Legazpi City, sinabi kaini na preparado sindang magtabang kun sain labi sa 50 interns asin PO1 na an nakalakop sa syudad ngani na imantinir an katoninongan pag-abot sa trapiko.
