LEGAZPI CITY-Nagtutubod an sarong Election Watchdog na an pahayag ni Senator Alan Peter Cayetano an posibleng diversionary tactic ngani i-confine asin ibahon an isyu sa pagpapalit kan liderato.
Segun kay Kontra Daya Convenor Professor Danilo Arao, sa intrevista kan Bombo Radyo Legazpi na sa enot na hiling an nagpapahayag ini nin may kinaaraman sa isyu asin matanos na pahayag sa senado, alagad gabos an pwedisir na sabihan nin may bahid an opisyal alagad kaipuhan an pag-alangan kan mga namamanwaan.
Dugang pa niya na totoo man an pahayag kan Senador na difisil makahanap nin “matino” na politiko, alagad systematic suboot asin institutional an problema liwat sa kun sisay an dapat na maelihir sa puwesto.
Enkaso sabihon suboot an mga ibubugtak sa puwesto, an dapat na magkaigwa nin konkretong lakdang kan Senado asin Kamara, asin mga affirmative actions na pwedesir gibuhon ngani dai na maulit an budgetary insertions.
Sinabi pa ni Arao na pigporbaran pa ni President Ferdinand Marcos Jr. na wara suboot na mga alokasyon, kaya bako ini an problema, alagad sa totoo suboot an wara man nin nagtututol sa mga flood control projects, mapadapit ini sa kun sisay napaduman an pondo asin dai napakinabangan kan sosyedad.
Dugang pa niya na dapat magin marigmat an taumbayan huli sa an sinabi ni Senator Cayetano an pagliban sa tunay na isyu, na iyo an kurapsyon asin paninimabagan kan mga nakatukaw sa puwesto.
Nagtutubod man an opisyal na gabos guilty alagad tutukan suboot an magkaigwa nin mga ebidensya kun igwang insertions sa budget asin kun sisay man an mga nakinabang.
An solusyon suboot an dapat na warang pigbibisto, asin mapanimbag sinda, magin an mga protektor kan mga tiwaling opisyal asin kontraktor.
Mientrastanto, sinabi man kan Election Watchdog na nagsasagibo nin paagi an gobierno ngani dai magin kaparehas kan nangyari sa Nepal an Pilipinas na nagkaigwa nin palitan nin rehimen, kun sain sa kaso suboot kan nepal an may tiwala an mga namamanwaan sa militar asin kapulisan alagad sa Pilipinas, an may trust issues suboot sa mga militar asin sa pulis huli sa lakop na human rights violations.
