LEGAZPI CITY – Tinuyaw kan sarong mambabatas an nagin pahayag ni Presidente Ferdinand Marcos Jr. na madali nang matapos an trabaho kan Independent Commission for Infrastructure (ICI) sa tahaw kan kawaran nin quorum.
Segun ki Act Teacher’s Partylist Representative Antonio Tinio sa intrevista kan Bombo Radyo Legazpi na ginibo sana an nasabing komisyon nganing ipapundo an mga nagpapadagos na mga public investigation na pigsasagibo kan kongreso.
Pwedesir man suboot na pigmukna sana ini kan Presidente nganing linigon asin i-abswelto an pirang pamosong pulitiko asin saiyang mga kapartido sa paagi kan mga isinagibong executive session na nagluluwas na piglihis sana an atensyon kan publiko.
Punto niya na an mga imbestigasyon sa mga imbweltong pulitiko sa mahiwasang korapsyon an dapat pigpapangenotan kan Ombudsman asin bako an ibang komisyon.
Binalikan man kan opisyal an nagin mandato kan executive order sa pagkakatugdok sa komisyon na taliwas suboot sa presenteng nangyayari ngonian na nagluluwas na saro sana suboot ining palabas.
Katakod kaini an nagmamawot man si Tiño na may papadumanan an pagbubukas liwat kan hearing kan Senate Blue Ribbon Committee.
 is about to end amid lack of quorum.){kind=link}