Nakaresibe nin mga negatibong komento an pahayag ni Bise Presidente Sara Duterte na dae siya maatindir sa State of the Nation Adress ni Presidente Ferdinand Marcos Jr. sa maabot na Hulyo 22.
Pakaraw kaya na sinabi kaini na siya an ‘Designated survivor’ kung kaya habo ng mag-atindir pa sa aktibidad.
Dae pinalampas ni Senior Deputy Speaker Aurelio Dong Gonzales an pahayag kan Bise Presidente na garo suboot huma sa buhay kan Presidente asin iba pang mga opisyales kan gobyerno.
Huli digdi, pinag-iisipan kan opisyal na paimbestigaran an isyu ngani na maaraman kung may rason nganing mahandal an gobyerno.
Para man kay Kabataan Partylist Representative Raoul Manuel, dapat na mag-ingat na si Duterte sa mga pahayag kaini asin dae basta-bastang magkaraw sa mga siring na seryosong bagay.
Nagsikat an terminong ‘Designated survivor’ huli sa television series sa Estados Unidos na may kaparehong titulo.
Manungod ini sa bida na si Tom Kirkman na biglang naging Presidente kan magadan an saindang Presidente, Speaker of the House, Secretary of State asin iba pang mga opisyales kan gobyerno sa nangyaring pagsabog sa banggi nin State of the Nation Adress.
