LEGAZPI CITY – Pigkokonsidera kan Philippine Institute of Volcanology and Seismology (DOST-PHIVOLCS) na nagtuga na an Bulkang Mayon kasunod kan pagtaas kaini sa alert level 3 status.
Segun ki PHIVOLCS Volcano Monitoring and Eruption Prediction Division Chief Mariton Bornas sa intrevista kan Bombo Radyo Legazpi na sa presente an bako na ordinaryong rockfall an saindang nanonotaran kundi maapod na ining pyroclastic density currents o uson na nagbababa sa slope kan mayon.
An uson suboot na nagbabagsak sa presente an hale na sa mga fresh o bagong magma na pigtutulak paluwas sa bunganga kan Bulkan na nagpapakawala nin mga volcanic gas na napipino sagkod sa maging abo na senyales kan sarong pagtuga.
Paglilinaw niya na may nagpoporbar na magluwas na mga magma sa Mayon alagad dae ini nakakaluwas huli ta may nakabara pa sa crater kun kaya may nahihiling na digding maluyang banaag o crater glow.
Pigtaram pa kan opisyal na posibilidad na magkaigwa nin lava flow asin pagdakol nin rockfall na pwedesir umabot sa labi 100 kada aldaw sa mga masunod na oras kapag nabusol na paluwas kan bunganga kan bulkan an mga nakabarang deposits.
Siring suboot kan pagtuga kan Mayon kan 2023, wara sindang nahihiling na sensyales na may nagpipirit na magluwas na dakulang volume nin magma na ma-trigger kan sarong pagsabog na mapataas man kan alert level kaini sa level 4.
Suspetsya niya man na sa mga masunod na aldaw an pwedesir nang mahiling kan publiko an lava flow kan Mayon kun pagbabasehan an mga nakalihis na pagtuga kan mga nakaaging taon na saro sa mga pig-aantabayanan kan mga turista.
Pagirumdom ni Bornas sa mga naka-istar sa mga ikokonsiderang extended danger zone kan Bulkang Mayon na magin rigmat huli ta pwedesir sindang i-ebakwar enkaso maglala an mga pigbabantayang aktibidades partikulamente na an mga nasa banwaan kan Daraga asin ciudad kan Legazpi.
 considers Volcano Mayon to have erupted following its elevation to alert level 3 status.){kind=link}