LEGAZPI CITY- Pig-iingganyar sagkod ngunyan kan Department of Health (DOH) an publiko na pilion na magbakal nin generic na bulong.
Ineksplikar ni Dr. Napoleon Arevalo, Regional Director kan DOH Bicol na puon kan mapa-utob an Generics Act of 1998, nagkaigwa na nin karapatan an mga tawo na maghanap nin pinakabaratong bulong sa mga botika.
Salang konsepto suboot an pagtubod kan nagkapira na mas epektibo an makantidad na bulong kumpara sa generic na mababakal sana sa baratong presyo.
Sigon ki Dr. Arevalo, nagigin halangkaw man sana an pagpabakal sa bulong huli sa manufacture kaini arog kan packaging siring na man an marketing o pag-endorso kan mga famosong artista alagad pareho man sana an ingredients kaini sa generic drugs.
Nag-aagi suboot an mga bulong sa Bureau of Food and Drugs (BFAD) kun kaya siertong epektibo asin ligtas an paggamit kan mga ini.
Mientrastanto, nagpatanid an opisyal na magbakal sana sa mga lehitimo asin lisensyadong botika kan BFAD asin DOH.
