LEGAZPI CITY- Produktibong indibidwal sa komunidad man o sa laog kan trabaho, ini an mawot na tawanang-atensyon kan ipigbubusol na proponidong ley sa Kamara ni Ako Bicol Partylist Representative Rodel Batocabe.
Sa intrevista kan Bombo Radyo Legazpi ki Cong. Batocabe, ipighayag kaini an epekto kan mga gibo-gibong istorya, intriga o tsismis sa sarong tawo na naging rason man kun nata napipiritan na dae maglaog an mga ini asin nababawasan an kamawotan na makapagsirbe nin matanos.
Sa siring na sitwasyon, igwa suboot ining domino effect bako sana sa pigtatrabauhan kundi sa pangkabilugan kaya kinakaipuhan na nin polisiya o mekanismo na malaban digdi.
Mientras tanto, piglalaoman na makakapasar sa Kamara an lakdang hasta sa magin pormal na ley siring na sana kan pagpaaotob kan Anti-Bullying Act kun saen an nasambit na partylist man an nagin awtor.
