Pig-anunsyar kan Department of Justice na makakasyerto suboot an publiko na masangat sinda nin mga bagong kasong may kinaaraman sa anomalous flood control projects sa magkakanigong korte.
Segun kay Atty. Polo Martinez, an tagapagtaram kan departamento, pighahandaan na an mga reklamo na pwedeng isangat bilang kaso laban sa mga imbweltong opisyal o indibidwal.
Sa ibong kan dae pa pormal na nai-file, pigsasapinal na suboot kan prosekusyon an mga ini ngani na makumpleto na asin dagos nang mai-file sa korte.
Dugang pa kaini pigrerepaso pang maray asin pigbabalik kan mga piskal an kasong ipighanda laban sa mga imbwelto sa anomalya.
Pati ang mga ebidensyang kalakip at nakapaloob sa kaso ay patuloy na isinasailalim sa masusing pagsisiyasat upang maging sapat aniya sa oras na maiakyat na sa korte.
Siring man an mga ebidensyang kabale asin nakapalaog sa kaso an padagos na pigsasairarom sa mahiwas na imbestigasyon nganing magin supisyente na ini sa oras na darahon sa korte.
Ipinaliwanag kan tagapagtaram na an pagsangat nin kaso dai basta-basta piggigibo, orog na kun iisipon an mga basehan nin ebidensyang pigsusunod.
Kinakaipuhan pa suboot na labing repasuhon kan piskalya an kaso antes gibuhon na pinal an resolusyon asin isunad sa korte an kaso.
Ipinahayag pa ni Atty. Martinez na iba na ngonian an basehan kan ebidensya na ginamit sa pagsunad nin kaso sa korte.
Kun dati kaya na inako an ‘probable cause’ bilang ebidensya, binago na suboot ini asin dapat na ngonyan an ‘prima facie of evidence with reasonable certainty of conviction’.
Sa presente, padagos an pigkokondusir na ‘preliminary investigation’ kan departamento dapit sa manlaen-laen na reklamo asin kaso sa Department of Justice.
Alagad, segun ki Spokesperson Polo Martinez, pighihidali ini kan piskalya huli ta importante suboot asin kritikal an isyu sa flood control.
