Nagpatanid an sarong ekonomista na pwedesir lumagpas sa target range kan Bangko Sentral ng Pilipinas an inflation ngonian na taon huli sa padagos na pagtaas kan presyo kan langis sa pangkinabang merkado.
Segun kay Michael Ricafort, an pagtaas kan presyo kan krudo na harani na sa $100 kada bariles an magkawsa kan pig-aapod na “second-round effects.”
Boot sabihon kaini na an mas halangkaw na gastos sa transportasyon asin produksyon an mahantong sa mas mahiwas na pagtaas kan presyo kan mga babarakalon asin serbisyo.
Posibleng maghalangkaw an presyo kan diesel nin P16.60 sagkod P17.50 kada litro, mantang an gasolina man an pwedesir tumaas nin P7.50 sagkod P8.50 kada litro sa masunod na semana.
Sa ibong kan kontrolado an inflation kan mga nakalihis na bulan, an presenteng sitwasyon an nagpapagirumdom sa biglaang pagtaas kan presyo kan kasagsagan man kan digmaan sa pagultangan kan Russia asin Ukraine kan 2022.
