LEGAZPI CITY — Binawian na nin buhay an sarong wanted na persona makalihis na mauli sa shootout an pagdakop kuta digdi sa Barangay Bogtong ciudad kan Legazpi.
Binisto an suspek na si Rommel Bahillo alyas Miling na residente ka Barangay Bonot kan parehong ciudad.
Base sa report kan Legazpi City Police, kaibanan ninda an Regional Intelligence Division team sa pagserbi nin mandamiento de aresto sa suspek alagad nagresulta ini sa ribayan nin putok.
Nagsapar nin tama nin bala si Bahillo asin tulos na idinalagan sa ospital alagad pirang oras an nakalihis kan bawian man ini nin buhay.
Nangyari an insidente sa laog kan sarong inn kun sain nahiling an suspek.
Si Bahillo an nahahampang sa kasong pagbalgar sa Section 5, Article 2 kan Republic Act 9165 o Comprehensive Dangerous Drugs Act.
