LEGAZPI CITY-Nauli sa pananaksak an pagsaway kan sarong kapitbahay sa sarong nakainom na indibiwal sa Barangay Rawis Libon Albay.
Segun kay Libon Deputy Chief of Police, Police Captain Jose Brian Padre, sa intrevista kan Bombo Radyo Legazpi, na basado alas 7:45 kan Agosto 25 nangyari an insidente kung sain binisto an suspek na si alyas “Johny” na residente man kan nasabing barangay.
Basado sa impormasyon, nagin rason sa insidente an nakainom an suspek asin nangyari an insidente mantang pig-sasaway kan biktimang babayi an suspek sa saiyang pag-iinom nin alak kung sain nauli ini sa pananaksak.
Dugang pa kan otoridad na kan maghagad nin asistensiya an nagkapirang residente manungod sa pangyayari an tulos man sindang nagresponde asin dinara sa pulisya an suspek.
Nadamay man suboot sa pananaksak an saro pang lalaki na nagsasaway sa nangyaring tensyon sa pagultangan kan suspek asin kan biktima.
Nagsapo nin saksak sa braso an biktima kun sain segun sa otoridad pwedesir ining mauli sa kasong frustrated homicide.
Sa presente, pinapirma kan biktima an suspek na dai na magutro sa saiyang ginbo asin sinabi man kan mga otoridad na enkaso mautro ini an pwedisir magsangat nin kaso an biktima.
Mensahe man kan opisyal sa mga residente kan Libon na kun nakainom nin alak, an tulos na magkaturog ngani maibitaran an siring kaini na insidente.
