LEGAZPI CITY- Dakula an pasasalamat kan kongresista na may-akda kan Republic Act 11997 o ang Kabalikat sa Pagtuturo Act sa pagsa-saley kan nasabing propuesto.
Segun sa author kan nasabing ley na si Act Teachers Partylist Representative France Castro sa intrevista kan Bombo Radyo Legazpi na maikokunsiderar na ‘victorious’ an nasabing development.
Ini maski pa uminabot nin 13 taon antes an institutionalization kan P10,000 teaching allowance.
Paliwanag kan lehislador na dakol na lobbying an nangyari ngani na maipasar an propuesto sa Kamara de Representante asin sa Senado.
Sinabi ni Castro na nagpapasalamat sinda na maski papano nahiling na kan administrasyon an pangangaipo kan mga paratukdo sa dugang na teaching allowance na dakulang tabang para sa pagtatao kan pangangaipo sa laog kan mga classrooms.
Mientras tanto, naglalaom an opisyal na marikas na mapo-proseso an Implementing Rules and Regulations kan nasabing ley.
