LEGAZPI CITY- Aminado si Legazpi City Mayor asin nagtitindog na Regional Peace and Order Council (RPOC) Chairman Noel Rosal na hurohalawig pang proseso an pag-aagihan kan shift sa federal form of government.
Sa nagin pahayag ni Rosal sa isinagibong observance kan World Population Day kasuodma, liwat na ipig-eksplikar kan alkalde an dakulang bentahe kan pagribay sa porma kan gobierno sa pagbusol man kan pagtalubo nin ekonomiya sa Bicol.
Pighihiling na pinakakusog kan rehiyon an duwang power sources na mahihiling sa Bicol partikular na an Bac-Man Geothermal Production Field asin Tiwi Geothermal Power Plant sa Albay.
Dugang pa ni Rosal na nasa kamot naman kan regions an pagpapadalagan asin pagmamanehar sa sektor kan transportasyon, ganansya asin deal sa manlaen-laen na nacion.
Mientras tanto, inengganyar kan alkalde an Kongreso sa ‘crucial’ na pagdiskutir sa mga importanteng detalyes sa nasabing “government shift”.
Napag-araman na tolong taon pa an magigin transition period en kasong matapos na an pagrebisa kan Konstitusyon sa masunod na taon.
