LEGAZPI CITY- Nadisganar an sarong election watchdog na padagos na nagreresibe nin sweldo an nagkapirang senador maski pa dae ini nagtatrabaho.
Ini an kasunod kan padagos na pag-absent sa Senado ni Senator Ronald ‘Bato’ Dela Rosa alagad napag-araman na nagsu-sweldo man liwat.
Segun ki Kontra Daya Convenor Danilo Arao sa intrevista kan Bombo Radyo Legazpi nakaka demoralize an arog kaining mga impormasyon urog na para sa mga empleyado na padagos na nagtatrabaho siring na sana kan mga staff kan Senado na sobra pa sa oras an pagtatrabaho huli sa kadaklan saindang mga paper works, partikular na kun igwang budget deliberation.
Tinawan duon man kan opisyal na kinakaipuhan na hampangon ni Senator dela Rosa an suboot pagkaka imbwelto kaini sa crimes against humanity.
Dugang pa ni Arao na kun kaipuhan na magtago, dapat na ipaliwanag ini sa publiko urog pang saro siyang elihidong opisyal.
