Na-octaba an nakatalaan na pagpirma ni Presidente Ferdinand Marcos Jr. propuestong P6.352 trillion national budget para sa taong 2025.
Marurumduman na enot kutang nakatalaan na pirmahan kan presidente an General Appropriations Act sa Disyembre 20, 2024.
“The scheduled signing of the General Appropriations Act on December 20 will not push through to allow more time for a rigorous and exhaustive review of a measure that will determine the course of the nation for the next year,” segun ki Bersamin.
Sa sarong pahayag, sinabi ni Executive Secretary Lucas Bersamin na kinakaipuhan pang pag-adalan an propuestong pambansang pondo para sa masunod na taon kaya nagpapadagos an konsultasyon sa mga pamayo kan mga mayor na departemento kan gobierno.
Dae na man inihayag pa kan opisyal an eksaktong petsa kan pagpirma kan propuestong pondo.
