Prayoridad kan Kongreso an pagpasar sa natatadang Legislative-Executive Development Advisory Council (Ledac) measures kan Marcos administration sa liwat na pag-convene kan Kongreso ngunyan na Lunes, Hulyo 27.
Segun ki House Majority Leader Sandro Marcos, nasa 26 hali sa 52 priority bills an na-endorso na sa konseho.
Sisiertugon suboot ninda na makakatabang an mga propuestong ley kan presidente urog na sa mga namamanwaang Pilipino ngani na padiit-diit guminhawa an saindang buhay.
Kaibanan sa mga natatadang Ledac bills an propuestong Cybersecurity Act, na nasa calendar kan kapulungan, mantang pinaghahalat pa an commitee report katakod kan propuestong nagbabawal sa mga kaparientes kan government officials sa pagkuwa nin kontrata sa mga proyekto kan gobierno.
Preparado na man para sa final approval an mga amendment sa Cooperative Code asin propuestong ley na nagdedeklarar kan National Thanksgiving Day kada ika-apat kan Nobyembre.
Nakabinbin man an siyam na iba pang priority bills sa appropriations committee, kaibanan an mga propuesto ngani na maparahay an transparency sa government spending asin an 15 na iba pang propuestong ley an nasa kamot pa kan technical working groups.
