LEGAZPI CITY—Katakod kan mga nairehistrong african swine fever sa rehiyong Bicol, ipighayag kan National Meat Inspection Service Bicol na makakatabang sa paagi nin pagpaotob nin meat inspection asin border control measures an pagkontrol kan kaso nin African swine fever.
Segun ki National Meat Inspection Service Bicol Regional Director Dr. Alex Templonuevo, sa intrevista kan Bombo Radyo Legazpi, na an efficiency kan meat inspection, pag-monitor kan paghiro kan produktong karne, magin an border control measures makakatabang sa pagkontrol kan nasambit na helang.
Dugang kaini na dapat paghilingon an paghiro kan produktong karne huli ta ini an posibleng pigpuonan nin impeksyon pag nakalusot sa lokalidad.
Tinawan-doon kan opisyal na kun mas lalo pang mahahaloy an delay kan mga protocol sa guidelines partikular na sa depopulation kan mga apektadong orig, mas lalo pa suboot na magkalat pa an helang na ini.
