Maluwas na nin desisyon ang Impeachment Court sa Lunes, Hulyo 20, mapadapit sa kahagadan kan House prosecution panel na i-subpoena ang tax, bank asin Anti-Money Laundering Council (AMLC) records ni Vice President Sara Duterte asin kan saiyang agom na si Mans Carpio.
An magigin desisyon an kasunod kan ginibong caucus kan mga senator-judge kan Miyerkules ng hapon.
Segun ki Presiding Officer Francis ”Chiz” Escudero, nagkasundo ang mga senador na tawan nin sapat na panahon an kada saro nganing pag-adalan an mga “complicated issues” na may kinaaraman sa pagpapaluwas kan subpoena.
Mantang iniurong man kan House prosecution panel ang pagpapaapod sa lima sa saindang natatadang testigo katakod kan Article 4 kan impeachment complaint, na nagtutukar sa suboot pagpatanid ni VP Sara laban ki Presidente Ferdinand Marcos Jr., First Lady Liza Araneta-Marcos, at dating House Speaker Martin Romualdez.
Katakod ini kan sinabi ni Atty. Michael Poa, saro sa mga abogado ni VP Sara na dae ninda pighaharang an pagpapaluwas kan financial records kan bise presidente alagad malinaw suboot an naging posisyon kan Korte Suprema mapadapit sa orolay kan privacy at proseso kaini, kaya ini sana an saindang pigpagiromdoman sa senator-judges na mahigot na surion an saindang desisyon.
