LEGAZPI CITY- Ipigbubusol ngonian kan grupo kan mga kababaihan sa provincia kan Albay an pagtataong-kusog sa mga ini urog na sa pag-atubang sa mga agyat kan buhay.
Mayor na obheto kaini an makakrear nin mga oportunidad para sa mga kababaihan sa climate-resilient agriculture mantang pigtatawang-duon an pagkakapantay-pantay asin empowerment kan mga kababaihan sa rural setting.
Sa ibong na lado, nagtutubod si Albay Governor Al Francis Bichara na bako sana an mga kababaihan an matatabangan na mapakusog an sadiri kasabay kan pagbubukas sa manlaen-laen na economic opportunities, kundi an bilog na pamilya asin komunidad.
Parte ini kan isinagibong lectures asin pagdiskutir sa 1st Bicol Agri Expo sa Albay Farmers Bounty Village kan Brgy. Cabangan, Camalig, Albay.
