LEGAZPI CITY – Nangapodan an mga opisyales kan Barangay Tibabo, Pioduran, Albay na mapakarhay an spillway sa saindang lugar na nagaba makalihis an mga makukusog na mga pag-uuran kan nakaaging mga semana.
Magigirumduman na an naunambitang spillway an paramientras na ipinagbawal kan mga otoridad sa mga darakulang behikulo na nagkokonektar kuta sa mga banwaan kan Pioduran asin Guinobatan.
Segun ki Punong Barangay Lilia Osia sa intrevista kan Bombo Radyo Legazpi na binisita na an lugar kan mga personahes kan Provincial Engineering Office asin hinagadan na sinda kan Gobierno Provincial nin joint resolution kan mga Barangay na nakakasakop sa spillway.
Kun siya an hahaputon, mas maray na suboot kun tulay na an gigibuhon imbes isa-irarom an spillway sa rehabilitasyon urog nang kadakol an mga behikulong nag-aagi digdi.
Dugang pa kan opisyal na nagbugtak na sinda nin mga signages sa lugar nganing pagbawalan an mga magagabat na behikulo sa lugar alagad may pirang pasaway na mga behikulo na mag-agi na pwedesir makadugang sa dati nang damage kan spillway.
Pangapodan ni Osia sa mga ahensya kan Gobierno na maalokaran nin budget an saindang problema nganing magin salbado an pagbalyo kan mga namamanwaan sa saindang agihan.
