LEGAZPI CITY – Pighihiling na dakulang tabang kan mga opisyales kan Barangay Gogon an pagpapakarhay kan Gobierno Lokal kan Legazpi City kan children’s playground sa Kalayaan Park.
Segun ki Kagawad Richilda Atun sa intrevista kan Bombo Radyo Legazpi na huli sa naunambitang inisyatiba an madakol an mga nagpapasiring sa park na mapa-uswag kan saindang turismo.
Punto niya na huli ta mababaguhan na an disenyo asin kulay kan playground an ma-eenganyar kaini an mga aki na magkawat asin ibitaran an labing pagbabad sa cellphone.
Afuera suboot sa playground an papakarhayon man an ibang mga equipment sa park na piggagamit kan mga senior citizen na nag-eehirsisyo tuyong aga.
Nagpasalamat man an opisyal sa Lokal na Gobierno huli ta natawan nin atensyon an saindang barangay nganing maibalik ini sa dati.
Katakod kaini an nangapodan man si Atun sa mga nagpa-pasyar sa Kalayaan Park na magin responsable sa pagtapok nin basura nganing mamantenir an kalinigan sa lugar.
Mientrastanto, nangapodan man si Atun sa publiko na aprobitsaran an saindang piggigibong mini-kadiwa tuyong aldaw nin sabado.
