Nangapodan si United States President Donald Trump sa mga kaalyadong nasyon na magpadara kan saindang mga warships nganing protehiran an Strait of Hormuz, makalihis na maglansar nin serye nin mga pag-atake kan Iran sa United Arab Emirates (UAE).
Pagkatapos na kumpirmahon kan UAE an pagpapabagsak kan siyam na ballistic missiles asin 33 drones hale sa Tehran kan Sabado, pig-enganyar kan presidente an internasyonal na komunidad na bantayan an ruta na pig-aagihan kan 20 porsyento kan langis kan kinaban.
Inatake kan Iran an mga pantalan sa UAE huli sa mga alegasyon na piggagamit ini bilang mga American hideouts.
An opensiba kan Iran an balos sa pagbomba kan Estados Unidos sa mga 90 na military sites sa Kharg Island, an sentro kan saindang mga oil exports.
Mientrastanto, pignegaran ni Iranian Foreign Minister Abbas Araqchi na nalugadan si Supreme Leader Mojtaba Khamenei sa mga pag-atake.
Poon kan Pebrero 28, maabot sa 2,000 katawo an nagadan sa giyera na nagin rason kan mahiwasang oil supply disruption.
.){kind=link}