LEGAZPI CITY- Ipinunto kan sarong grupo an posibleng rason kan pagluway kan importasyon nin bahas kan Pilipinas sa ibong kan pagbabawas nin taripa.
Segun ki Bantay Bigas Spokesperson Cathy Estavillo sa intrevista kan Bombo Radyo Legazpi na nagsadit man an suplay kan bagas sa world market.
Paliwanag kaini na nasa 6% na sana an bagas sa world market na hali sa mga rice producing countries kaya nag-aagawan an mga nacion na padagos na nag-aangkat.
Alagad basado sa datos puon Enero hasta Hunyo, nasa 2.16 metric tons na suboot an naglangkaw na imported na bagas sa nacion.
Sa ibong kaini, sinabi ni Estavillo na nagtetenir na halangkaw an presyo kan bagas sa merkado asin dae man namamatean pigtataram kan gobierno na epekto kan padagos na importasyon.
Hagad man kan grupo na sa tahaw kan pagbagal kan rice importation, magtenir na halangkaw an presyo kan paroy na pigbabakal sa lokal na mga paraoma.
Pigkakahaditan kaya kan grupo na kun magbabaha na nin imported na bagas sa Pilipinas, posibleng magin rason ini kan padagos na pagkalugi kan mga lokal na paraoma sa nacion.
Tinuyaw kaya kan grupo na solamenteng an mga traders asin importers sana an may ganansya sa tagaw kan padagos na importasyon.
