Pagluwas kan isyu ki COMELEC chair Bautista na itinaon suboot sa nakatalaang pag-oktaba kan pirilian, pinahimutikan kan sarong kongresista

LEGAZPI CITY — Pinahimutikan kan sarong kongresista an mga espekulasyon na itinaon an pagpapaluwas kan bareta kan postponement kan Sangguniang Kabataan asin Barangay elections sa bulan kan Oktubre, sa iskandalong kinakahampang ni Commission on Election chairman Andres Bautista.
Enot nang ipigbuyagyag kan dating esposa ni Chairman Bautista na si Patricia na igwa suboot na ill-gotten wealth an opisyal na maabot sa P1 billion.
Sa intrevista kan Bombo Radyo Legazpi ki Ako Bicol Partylist Representative Alfredo Garbin Jr, wara man suboot digdi koneksyon an iwal kan mag-agom na nairibay na sa national issue huli sa maikokonsiderar na national interest.
Sa ibong na lado, wara pa man na ipigsusunad na impeachment complaint kontra sa nasabing opisyal sa sahot kan graft and corruption.