LEGAZPI CITY – Nagtutubod an manhamiento kan Bureau of Jail Management and Phenology (BJMP) Bicol na dae magigibong epektibo an makabuluhan na pagbilog kan sarong residente kun igwa nin mga bako tultol na gawi-gawi na nangyayari sa laog kan kulungan.
Ipig-ehemplo ni Jail Senior Inspector Joseph Lucila an pag-smuggle nin mga kontrabando sa laog kan presuhan.
Nakaalerto asin marikmat man suboot an saindang mga personahes urog na sa paglaog nin anumang kontrabando kun kaya nagiging mahigot an BJMP sa mga bagay na bitbit kan mga naglalaog sa presuhan arog na sana kan mga dalaw kan preso.
May pigpapautob man na polisiya ngunyan an manhamiento kun saen an mga pwedesir sanang magkapot nin cellphone iyo an mga warden, assistant warden asin an desk officer.
An desk officer man suboot an solamenteng kapot sana an sarong unit nin cellphone asin wara ng ibang gadget na pigtutugutan sa laog ngane na maibitaran an maraot na intensyon arog na sana kan pakikipag-transakyon sa luwas.
Apwera pa digdi, sinabi ni Lucila na pigsusunod man kan mga tawo sa pasilidad an pagkokondusir nin greyhound operation duwang beses sa sarong semana o an paghalughog, paghali o pagkumpiska kan mga dae man pigtutugutang bagay sa presuhan.
Nagkokondusir man suboot nin inventory kan personal na pagsadiri kan mga preso na pwedesir sanang ilaog sa dorm arog kan dilaw sanang tshirts asi dae pwedesir an ibang kolor na bado.
Mas maray suboot ini ngane na bakong masamok sa laog asin makakatabang pa na magkaigwa nin dakol na espasyon sa laog kan kulungan.
