LEGAZPI CITY—Pighayag kan Philippine Ports Authority Bicol na naoobserbaran na an paglangkaw sa numero kan mga pasaherong nag-aagi sa Matnog port katakod kan paparaning ereskwelahan sa Hunyo 16.
Segun ki Philippine Ports Authority Port Management Office Bicol Media Relations Officer Achilles Galindes sa intrevista kan Bombo Radyo Legazpi, haros nagdoble na an mga pasaherong nag-aabot sa nsambitang pantalan puon pa kan nakaaging weekend.
Nairehistro man an labi 4,000 pasahero na nag-agi sa Matnog port kan Lunes, Hunyo 9.
Sinabi ni Galindes na padagos an saindang monitoring huli ta piglalaoman ninda an pagruso kan mga pasaheo urog na ngunyan na balik-eskwela.
Abiso man kan opisyal sa mga biyahero na pwedesir na sindang magbiyahe nin mas amay nganing bako haloy an saindang paghalat nin biyahe asin dae na magsarabayan na magbiyahe sa maabot na weekend.
Sa presente ipig-implementar na kan ahensya an “Oplan Biyaheng Ayos” kaya laoman suboot an mas mahigot na seguridad sa mga pantalan sa rehiyong Bicol.
Mientrastanto, nagpatanid man si Galindes sa publiko na ibitaran an pagdara nin mga ipigbabawal na kargamento nganing maibitaran an ano man na aberya, siring man an pirmehang pagsunod sa mga protocol na ipigpapaotob sa mga pantalan.
